Бөлүмдөр
Шейшемби, 22-май
Чүй

Чүйдүн аймагында суу каптаган үйлөр тазаланды (фото)

Turmush -  Акыркы сутка ичинде Чүй облусунун аймагында суу каптаган турак үйлөрдү тазалоо иштери улантылды. ӨКМ бүгүн, 31-январда билдирген маалымат боюнча, суу каптоодо адамдар жабыркаган эмес.

Жайыл районундагы Суусамыр айыл аймагынын Тунук айылында Шорго-Булак суусу тоңуп, муз катмары пайда болгон. Андагы суу жээктен ашып, 6 турак үйдүн короосун каптаган болчу. Учурда анын кесепеттери жоюлду.

Ошондой эле, Аламүдүн районундагы Көк-Жар айыл аймагынын Көк-Жар айылындагы арыкта муз тоңуп, андан ашкан суу 1 турак үйдүн короосун каптаган. Куткаруучулар саат 13:40 чамасында барып, үй ээси менен биргеликте музду тазалап, суунун нугун бурушту.

Саат 15:50 чамасында куткаруучулар Ысык-Ата районунун Узун-Кыр айыл аймагындагы Дачное айылында каналдын оң жээгинен суу ашып, 2 турак үйдүн короосун каптаган жерге барышты. Бул жердеги тазалоо иштери дагы жергиликтүү тургундар менен биргеликте жүргүзүлдү.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 847
×