Turmush — Нарын облусунун аймагында бир жума ичинде унааны мас абалда башкарган 14 айдоочу кармалды. Бул тууралуу Нарын облустук жол кыймылынын коопсуздугун камсыздоо бөлүмүнөн билдиришти.
Маалыматка караганда, 2025-жылдын 14-апрелинен 20-апрелине чейин жол эрежелери бузулган 500 факты аныкталып, 48 унаа айып короого киргизилди.
Жалпы түзүлгөн протоколдордун ичинен:
- ылдамдыкты ашырып айдоо — 112 учур;
- жол белгилерине баш ийбөө — 179 учур;
- коопсуздук курун тартынбай айдоо — 82 учур;
- техникалык мүчүлүштүктөрү бар транспорт каражатын башкаруу — 3 учур;
- жол чырагына баш ийбей айдоо — 4 учур;
- техникалык кароодон өтпөй айдоо — 9 учур;
- автоунааларынын документтери жок башкаруу — 4 учур;
- автоунаа айдоого укугу жок башкаруу — 2 учур;
- терезелерин караңгылатып алып транспорт каражатын башкаруу — 1 учур;
- транспорттук каражаттарды каттоо тартибин бузуу — 9 учур;
- автоунааларына кошумча жабдык орнотуп алуу — 3 учур;
- каттоодон убактылуу токтотулган — 19 учур;
- жүргүнчүлөрдү ташуу эрежелерин бузуу — 9 учур;
- каршы тилкеге чыгып айдоо — 7 учур;
- жолдо жүрүү эрежелерин бузуу — 1 учур.
Мындан тышкары жүргүнчүлөр жана башка жол эрежелерин бузган айдоочулар болду.
